Л.Н. Гумилев атындағы ЕҰУ кадрларын "6B05209 – География" білім беру бағдарламасы бойынша кәсіби даярлауда географиялық-экологиялық білім беру жүйесін қалыптастыру моделі

Аңдатпа

Мақалада білім беру бағдарламасының пәндерін талдау негізінде университеттік географиялық білім беруді экологияландыру мәселелері қарастырылады. Авторлар географиялық білім беруді экологияландыру кезеңдеріне талдау жүргізеді, қазақстандық тәжірибемен салыстырғанда шет елдердің географиялық білім беруінің экологиялық мазмұнына егжей-тегжейлі талдау ұсынады. Л.Н. Гумилев атындағы Еуразия ұлттық университетінің физикалық және экономикалық география кафедрасында географиялық мамандықтардың білім беру бағдарламаларын әзірлеу тәжірибесі қарастырылуда. Ғалымдар мәдени-экологиялық, тұжырымдамалық, ландшафттық-экологиялық, кеңістіктік-уақыттық және эко-гуманистік тәсілдер негізінде ЖОО-дағы географиялық-экологиялық білім мазмұнының геоэкологиялық моделін және Л. Н. Гумилев атындағы ЕҰУ кадрларын "6В05209 – География" білім беру бағдарламасы бойынша кәсіптік даярлауда географиялық-экологиялық білім беру жүйесінің моделін ұсынады.