Полимерлер мен олардың модификацияларын қолдану арқылы тұтқыр материалдардың қасиеттерін арттыру технологиясы

Аңдатпа

Бұл мақалада битумның өнімділігін жақсарту үшін полимерлі қоспаны қолдану қарастырылды. Полимерлер тұтқыр битумдардың беріктігін, ыстыққа төзімділігін және химиялық төзімділігін арттыруда шешуші рөл атқарады. Зерттеудің мақсаты полимерлерді және олардың модификацияларын пайдалана отырып, тұтқыр материалдардың өнімділігін жақсарту болып табылады. Сондай-ақ, мақалада бір өңірдің қазақстандық өндірушілерінің шикізатынан полимерлі-модификацияланған битум өндірудің қағидатты жаңа технологиясы және соның салдарынан шикізат пен дайын өнімді тасымалдауға жұмсалатын шығындарды азайтуға ықпал ететін бір өңірде өндірісті ұйымдастыру ұсынылған, бұл өз кезегінде энергия тұтынудың төмендеуіне және жалпы өндірістік процестерді оңтайландыруға алып келеді. Зерттеу нәтижелері полипропиленді қолдану арқылы жол битумының өнімділігін арттырудың жақсы динамикасын көрсетеді.