Қостанай облысының кешенді әлеуметтік-экономикалық талдауы

Аңдатпа

Ғылыми мақаланың мақсаты – мемлекеттік бағдарламаларды кезең бойынша  жүзеге асыру жағдайында  Солтүстік Қазақстанның Қостанай облысы  экономикалық және әлеуметтік дамуының қазіргі заманғы географиясын көрсету және экономикалық-географиялық жағдайларына қарамастан аумақтың ілгерілемелі дамуын қамтамасыз ететін әкімшілік ауданның әлеуметтік-экономикалық сипаттамаларының функционалды қалыптасуының қағидаттарын анықтау  болып табылады. 

Жұмыста аумақтық даму мәселелерімен қатар, оларды шешудің қазіргі заманғы әдістерінің жүйелік талдауы жүргізілді, әкімшілік аудандардың табиғи – ресурстық әлеуеті мен экономикалық-географиялық жағдайдың әркелкілігі анықталды, Қостанай облысының агроөндірісінің, өнеркәсіптік өндірістің жетекші салаларының қазіргі заманғы географиясы көрсетілді.  Жүргізілген зерттеулердің ақпараттық базасы ретінде  Қазақстан Республикасының статистика бойынша Агенствасының, Қазақстан Республикасының жаңа технология және индустрия Министрлігінің, Қазақстан Республикасының өңірлік даму Министрлігінің, Ақмола облысы экономикалық және әлеуметтік дамуы Бағдарламаларының деректері қолданылды.