Редакциялық саясат
Журналдың редакциялық саясатының толық нұсқасы сілтеме арқылы қол жетімді
Журналдың мақсаты – химия, география және экологиядағы теориялық және қолданбалы зерттеулердің өзекті бағыттары бойынша ғылыми қоғамда түпнұсқа ғылыми нәтижелерді тарату және ілгерілету.
Химия секциясы іргелі және қолданбалы химияның барлық аспектілері бойынша, атап айтқанда, биологиялық, экологиялық, сот-медициналық, бейорганикалық, аналитикалық, органикалық, физикалық және теориялық, сондай-ақ химиялық инженерияны қоса алғанда, түпнұсқа ғылыми мақалаларды, сондай-ақ шолу мақалаларын жариялайды.
Хабаршы география бағыты бойынша табиғи ресурстарды ұтымды пайдалану және қоршаған ортаны қорғау, географиялық болжау, кешенді аймақтық даму, рекреациялық зерттеулер, табиғи процестерді модельдеу және геоақпараттық әдістерді жетілдіруді қамтиды.
Журналдың экология бағытында қоршаған ортаны қорғау және табиғатты ұтымды пайдалану; ауа, топырақ және су сапасы мәселелерін зерттеу; фауна мен флораны сақтау; тұрақты дамудың әлеуметтік-экологиялық аспектілері саласындағы іргелі және қолданбалы зерттеулер бойынша түпнұсқалық ғылыми мен шолу мақалалар басып шығарылады.
Журналдың мақсаты:
- Өзекті мәселелер бойынша зерттеу нәтижелерін жариялауға мүмкіндік беру;
- Шолу процесіне білімнің тиісті салаларындағы жетекші ғалымдар мен мамандарды тарту арқылы ғылыми жарияланымдарға әлемдік стандарттарды енгізу;
- Отандық және шетелдік мамандандырылған деректер қорларында ғылыми жарияланымның рейтингін көтеру;
- Географиялық және институционалдық шеңберлерге қарамастан отандық және әлемдік ғылымды жаңа идеялармен байыту;
- Журналды «ашық қолжетімді» ғылыми басылым ретінде дамыту;
- Журналдың халықаралық деректер базаларында және ашық электронды ресурстарда болуын кеңейту;
- Шетелдік оқырмандар үшін журналдың қолжетімділігін қамтамасыз ету – ағылшын тілінде (Abstract), түйінді сөздерде (Keywords) және пайдаланылған әдебиеттер тізімін латын әліпбиінде транслитерациялауда (References) зерттеудің мәні туралы кеңейтілген презентацияны жариялау.
Басылым тілдері: қазақ, орыс, ағылшын.
Жиілігі: жылына 4 рет.
Ашық қолжетімділік саясаты: Ғылыми жариялау саясатын жүзеге асыратын негізгі қағида – зерттеу нәтижелеріне еркін ашық қолжетімділік жалпы білімді арттырады.
Мұрағаттау: Ғылыми журналдың электронды нұсқалары жинақты қалыптастыру және оны электронды кітапханаға енгізу үшін «ҰҒТБО» АҚ-на беріледі. Журнал Elibrary.ru сайтында материалдарды мұрағаттайды. «Л.Н.Гумилев атындағы Еуразия ұлттық университетінің хабаршысы» редакциясы оның авторларына жарияланған материалдарды бөгде репозиторийлерге орналастыруға кедергі келтірмейді.
Жариялану шарттары: Журнал редакциясына келіп түскен барлық қолжазбалар «Л.Н.Гумилев атындағы Еуразия ұлттық университетінің хабаршысы» басылымның техникалық және басқа талаптарына сәйкес болуы және анонимді сараптамадан өтуі керек. Алынған шолулар негізінде журналдың редакциясы соңғы шешімді қабылдайды. Журналдың бір нөмірінде бір автордың (бірлескен автордың) 1-ден астам жарияланымына рұқсат етілмейді. Мақала мазмұнына автор(лар) жауапты.
Лицензиялау: «Л.Н.Гумилев атындағы Еуразия ұлттық университетінің хабаршысы» ғылыми журналы Creative Commons Attribution-NonCommercial 4.0 International (CC BY-NC 4.0) лицензиясы бойынша оның мазмұнына тегін қол жеткізуді қамтамасыз етеді. Авторлар өздерінің авторлық құқықтарын сақтайды және жұмыстың авторы және осы журналға сілтеме көрсетілген жағдайда материалды еркін көшіру және тарату мүмкіндігіне ие.
Авторлық және жасанды интеллект (ЖИ). Бағдарламамен плагиатқа тексеру жасанды интеллект арқылы әртүрлі дереккөздерден алынған материалдарды талдауды да қамтиды. Журналдың редакторлары осы мәселе бойынша COPE ұстанымын қолдайды:
1) ЖИ автор ретінде көрсетілмейді.
2) Егер мақаланы жазу кезінде авторлар ЖИ құралдарын пайдаланған болса, «Материалдар мен әдістер» бөлімінде ЖИ құралы қалай пайдаланылғаны және қандай құрал пайдаланылғаны көрсетілуі керек. Авторлар өздерінің қолжазбаларының мазмұнына, тіпті ЖИ құралы арқылы жасалған бөліктерге ғана жауапты және осылайша жариялау этикасының кез-келген бұзылуына жауапты.
